[ December ki aakhri shab ]

Aj December ki aakhri shab mei

Shab-e-Tanhai mei

Apne Tayris pe khari kafi dair se

mein

Chodwiin k Chaand ko dekh rahi thi


jis ki chandni mei

mein bheeg gayi..

aur uss manzer mei itni doob gayi

keh !!
mujhe khabar bhi na ho saki

k kab

us ne meri bikhri zulfon ko sameta tha

aur . . .

chupke se kano mein sergoshi ki thi !!

apni mohabbat ka izhar kia tha

mujhe Ehd-e-Wafa mein bandh ker gaya tha

Wo lamha itna haseen tha

k ,,

Haya Se meri palkain jhuk si gayii thi..

Pichle Saal December ki aakhri shab aesi hi thi. .


Aur Aaj bhi

December ki aakhri shab he

aur mein soch rahi hon

keh !!!

Aj wo kis k saath hoga......?

K Aaj wo........

Kis ko apni wafa ka yaqeen dila raha hoga..

[ Meri Tanhaayi Aur December ]

Humare haal par roya DECEMBER

wo dekho toot ker barsa DECEMBER

guzar jata he sara saal y0n to

nahi kat'ta magar tanha DECEMBER

bhala barish se kya serab ho ga?

tumhare wasal ka pyasa DECEMBER

woh kab bichhra?
nahi ab yaad lekin

bus itna ilm he k tha DECEMBER

y0n palkein bheegti rehti hein aise

meri aankhon mein jesy a thehra DECEMBER

jama ponji yehi he umer bhar ki

meri tanhaayi aur mera DECEMBER. .

[ Suno December !! Usay Pukaro ]

Suno December !!
Usay Pukaro..

Suno December !!
Usay Mila Do..

Ab. .
Is Se Pehley K Saal Guzre

Ab. .
Is Se Pehley K Jaan Nikle

Wohi Sitara Meri Lakeer0n Mai Qaid Ker Do

Is Akhri Shab K Aakhri Pal Koi Bada Ikhtitam Ker Do

Ye Zindagi Bi Tamam ker Do

Suno December !!
Usay Bula Do. .

[ Ab Tum bhi Laut aao ]

Use kehna !!
December Laut aaya hy..

Hawayan sard hei
or vaadiyan B dhund mei gum hai

Paharr0n ne barf ki shaal
phir se orrh rakhi hy

Sabhi raste tumhari yaad mei pur'nam se lagte hei

Jinhai Sharf-e-Musafat tha


Woh saare cards,
w0h perfume,
w0h choti C diary,
Woh teris or chaye !
Jo hum ne sath men Pi thi

Tumhari yaad laate hei,
Tumhei wapis bulate hei ..

Usey kehna K

dekho y0n satao na

December Laut aaya hy

Suno !!
Tum bhi Laut Aao na . .

[ December without y0u !! imposible ]

December lout aya he

hawayein sarad hei

aur zindagi !!

tanhaayi k zindaan mei
larzaan he..

usey kehna . . .

dhoop nahii niklegi
to baraf kese pihglegi !!

usy kehna?

agar wo lout na aya to

sansain kese aayengi ??

[ Last Day 0f December ]

December k maheenay ka w0h shayad aakhri din tha

Guzray baras kaheen maine
mohabbt lafz Likha tha

Kisi kaghaz k tukrray Per

Achanak Yad aaya he

Guzre baras kaheen mujhko
Kisi se bat kerni thi

Usy kehna tha jaan_e_jaan!
Mujhe tum se møhabbat he

Mager !!
Mai keh nahi Paya


Wo kaghaz aaj tak Lipta Para he dhøøl mei

Lekin,,Kisi kø de nahi Paya

December Phir k aya he
December Phir k ja raha he

Magr!!

Døbara chah ker bhi mai

mohabbt ker nahi Paya..

[ pehley mujhe apna bana Lo ]

Aey mere humsafer !!

samay k saath saath

mainey khizaa’n ko

khair-abaad keh diya he. .

Ab bahaar mere aangan mai he

mainey apni shakhsiyaat mai
rang0n ki mehfil sajali he

jo rang tumhain bhaaye

churaaLo. . .

Mager thehro !!

pehley mujhe apna bana Lo. .

[ DECEMBER JAB BHi AATA HE ]

w0h pagli . . .!!!

phir se beetay mausam ko
yad kerti he

puraNe cards parrhti he

keh, jis maiN usNe likha tha,

Mai Laut0ngA DECEMBER MEi..

Naye kaprey baNati he,
woh sara ghar sajati he,

DECEMBER k har aik diN ko
woh giN giN ker bitati he. .

joo’N hi 15 guzarti he,
woh kuch kuch toot jati he

magar phir bhi,

puraNi albums ko khol ker
maazi ko bulaati he . .

Nahi maloom yeh us ko,

K beete waqt ki khushiyaaN
boht takleef deti hai

mehiz dil ko jalati haiN. .

y0nhi diN beet jate hai,

DECEMBER laut jata he

mager w0h khush feham larki !!!

dubara se caleNdar mai,

DECEMBER k mahiNe k safhey ko morr ker

phir se

DECEMBER k sehar maiN doub jati he. .

keh . .
Aakhir usNe likha tha,

MAi Laut0ngA DECEMBER MAi..

[ chandni December ki ]

Raat usne pucha tha

tumko kesi Lagti he chaandni December ki?

Maine kehna chaha tha

saal-o-maah k baarey mai guftagu k kya mayine!

Chahey k0i manzer h0,
dasht h0,samander h0,
June h0 ,December ho

dharrkan0 ka her nagma,
kurbaton ka her Lamha

manzar0n peh bhaari he

Saath jab tumhara ho,
dil ko ik sahara ho

aesa lagta he jese
ik nasha sa taari he

Lekin uski qurbat mai kuch nahi kaha maine

takti reh gyi mujhko

chandni December ki..

[ December ]

December jab b lot’ta he,
Mere Khamosh Kamre Mein

Mere bister pe bikhri Hui Kitabian Bheg jati hain. . .

[ December Ki Sard Ratain ]

TujhSe Judaayi Ka Dukh,
Tere Hijr Ka Kurb

Dekh !!
Phir Se Aa Gayi Hain

December Ki Sard Ratain,
Azaab Ratein

Tere Kurb Mai Doobi
Khwaab-Nak Raatain

Teri Woh Pur Noor Ratain

Tujhe Kia Khaber

December Ki Sard Ratoon Mai

Tere Sung Beeti Sardion Ki

Khoshgawar Khobsurat Shamoon Ko
Yaad Kerta h0n

Is Moho0m Si Tamana K Sahare

Teri Talash Mai Sarrkoon Per
Awara Phirth h0n

Aate Jate Chehr0n Mai Tujhe Khoja Kerta h0n

Shayad K Wo Tum Ho !!

Aur Thak Haar Ker Jo Laut’ta h0n

To Khud Per Khob Hansta h0n

Phir !
Phoot Phoot Ker Roota h0n..

[ December ki baarish ]

w0h. . .

jisey baarish pasand nah thi

na janey Q !!!

Aaj dair tak tanha

December ki baarish mai

bheegta raha . .

[ DECEMBER to DECEMBER he ]

Hamara saath deny ko

Saawan ke bharey baadal
Galey mil mil ke royenge

Phir itna paani barsega
Samander seh na payega

Karo na zidd chaley aao

Rakha he kia DECEMBER mei!!

Dilo’n mei piyaar he to phir

Maheeny sarey ache hai

Kisi bhi piyary mausam mei
Chupkey se chley aao

Chlao ab maan bhi jao

DECEMBER to DECEMBER he,,

DECEMBER ka bharosa kia !!

DECEMBER beet jayega. .

[ December Ki Udass rutt ]

December Ki Udass rutt
Laut aayi he

nami aankhon mei lye

Aur keh rahi he mujhe

keh

tere waste ab ki baar bhi

mere daman mei sirf
tanhayi he..

[ December muntazir he ]

Woh lamhe Soch ki dehleez per thehry howe hai

December k maheney mai
Hazaron saal pehle

jub Tery vaaday k honton ne

Meri aankho se behti zindagi k Haath choomy they

Meri be’rang baaton k kinary

Tumne khawbon k saharey
aur aashkon k sitarey
rakh diye the

Aur..

Hawa ko apni chahat ki hifazat ka ishara kr dya tha

Hawa ki khunkiy0n mai ab bhi teri narm baatain

Aahaton ka jal bunti hai

Sama’at ab bhi tery

qheqa’hon ka shor sunti he

Khayaal ab tak tumhari ungliyon se

Mery dil k surkh aansu poonchte hai

Nigahain barf k pehly chamakty kanves per ja baja

Teri rafaqt ki zarurat pyintt karti hai

Thher’tharatey paaniy0n k tann pe bikhri dhoup

tera hijr rooti he

Kahan hoti he tu?

Muhabat ki sulagti rahguzaaron k kinaron per

December ab bhi tera muntazir he..

[ Dekh December!! Ab Mat Aana ]

Dekh December!!
Ab Mat Aana

Dekh December!!

Mere Ander Kitne Sehra Phail Chuke hai

Tanhaayi Ki Rait Ne Mere
Sare Dariya baant Dye Hai

Ab Mei Hon
Aur Mere Banjar Pann Ki Bojhal Tanhaayi

Dekh December!!

Teri Baraf Shabon Mei,
Teri Bekhwab Shabon Mei

Khuwab Sweater Kon Bune Ga!

Rooh K Ander Girti Barfen Kon Chune Ga!

Dekh December!

Apne Dukh Ki Barf Pehen Kr

Dhop Diyaron Tak Mat Jana

Mre Pyaron Tak Mat Jana

Dekh December!
Ab Mat Ana
Ab Mat Ana..

[ December Dard ]

Suna he diary Likhte ho tum ?

kesa bhi mausam ho
tumhare haath mai

Qalam rehta he

apne dil ka sara bojh haLka kerte ho

kaaghaz0n se baatain kerte ho

Lafz0n ki dunyaa banate ho

suna hey diary Likhte ho tum ?

tumhari zindagi ka her Lamha tumhari diariy0n mai chhupa he

w0h sab tumne likha he,
jo tumney jiya he

diariy0n ko sajaya he,
unhai banaya he

Suna he boht chah se rakhte h0 ?

Suna he diary Likhte ho tum ?

mujhey bus aik baat puchni he

kabhi Lafz December bhi Likha he tumne !

December ki sard taweel raat0n mai

kabhi to likha hoga December ko. . . .!!!

kabhi nikLa hoga tumhare QaLam se bhi

December Dard ?

aur Lafz0n main dhaLa hoga

w0h Dard sard. . . . !

itni diariyaan likh chuke ho tum

mujhey bus yeh batao

December jab bhi likha hey tumney. . . . .

Tumhare aansu bhi behte hain ?

tumhari zard aankh0n se bhi

sard December behta he ?

mujhey yeh batao

w0h aansu kese r0kte hain ?

suna he…..!!
Diary Likhte ho tum …. ?

[ Suno December !! ]

Suno December !!
Tum mat aaya karo..

Jab tum aate ho to

udasioN ki andekhi BarishoN mei dil bhigo dety ho..

Tum aate ho to

barfeeli si tanhaayioN
Ki sard hawa

Kaanton ki tarha rag-e-jaan mei chubhne lagti he

Aur

Akeley pan mei dukh jaga ker neendoN ko nighal jate ho..

Aur

Jo apni judaayi ki dhundh mei kahiin kho gaye hai

Hum unse bohat door ho gaye hai

Unki yaad phir se aaney lagti he

Sunoo December !!
TUM MAT AAYA KARO..

[ December ki sard hawa0n ]

December ki sard hawa0n
Us se milo to kehna..

Keh aaj bhi Us ki yaad

Kisi k dil mai
Mustaqil Khaima zan he..

Koi aaj bhi usay

Uthtay,bethtay,sotay,jagtay,
Hanstay,rotay

Yaad karta he..

December ki sard hawa0n
Us se milo to kehna

K aaj bhi Kisi ki palkain
Sir e sham hai

Us k intizar mai
Beech jati hai

Aaj bhi koi Us ke lye
Udas rehta he

December ki sard hawa0n
Us se milo to kehna

K aaj bhi Kisi k din rat
Us kay bin

Sogawaar guzertay hai

Aaj bhi Kisi ki aankhain
Us ke liye Num rehti hai

December ki sard hawa0n,
December ki sard hawa0n

Us se milo to kehna ..

[ December ab k jana ]

December ab k jana !!

to jaatey jaatey un ke aaney ka sandesa dete jana

Kuch jhoota moota,
kuch toota ph0ota sa,,

ik dilasa de jana. .

Aur

Ager w0h na aaye toh

itna Ehsaa’n kerte jana

agLey saaL mere jeevan mai

Tum bhi Laut k mat aana . .

[ December ja raha hay ]

Usay kehna !!
December jaraha he. .

Decemeber kay guzartay hi

Baras ek aur mazi ki fizaon mei doob jaega

Usay kehna !!

December ka maheena jaisay guzrega

Umedein doob jayengi,
Woh sapnay toot jayenge

Usay kehna !!

December kay guzarnay say zara pehlay

Mohabbat ko koi tabeer de jaye

Usay kehna !!

Muqadar ko hamaray doob janay say bacha lena

Usay kehna !!
December ja raha hay . .

[ DECEMBER lout aaya ]

DECMBER lout aaya he

Tumhare lout aane ki nai umeed jagi he

Abhi pichley baras tumne
Mere hathon pe rakh k hath

Haya se mouh chupaya tha..

Abhi pichley baras hi to

DECEMBER k maheney mei
Tumhein bahon mei thama tha

Aur

April aane tak

Tumhari jheel aankhon mei naya sapna sajaya tha

Mere chote se angan mei
Tumhei vehshat si hoti thi

Mujhe tumne bataya tha..

Kisi ki qaid mei rehna
Mujhe acha nahi lagta

Mai ik azaad panchi h0n

Suna he phir se tanha ho
September k maheney mei !!

Aise b0hat khamoosh rehte ho

K jis ko tumne chaha tha

Wafa k naam se usko buhat vehshat si thi

Woh ik azaad panchi tha

Kisi ki qaid mein rehna use acha nahi lagta

Suna he mere angan ki
Tumhein ab yaad aati he

Suna he tum pashema’n ho!!

Chalo phir aisa kerte hai

DECEMBER ka maheena he

Naya agaaz kerte hai

Tumhein baahon mei le lon mai

Mere seeney pe sar rakh k

Haya se mouh chupa lo tum

DECEMBER lout aaya he..

[ December ka Aakhri din ]

December k maheenay ka w0h shayad aakhri din tha

Guzray baras kaheen maine
mohabbt lafz Likha tha

Kisi kaghaz k tukrray Per

Achanak Yad aaya he

Guzre baras kaheen mujhko
Kisi se bat kerni thi

Usy kehna tha jaan_e_jaan!
Mujhe tum se møhabbat he

Mager !!
Mai keh nahi Paya

Wo kaghaz aaj tak Lipta Para he dhøøl mei

Lekin,,Kisi kø de nahi Paya

December Phir k aya he
December Phir k ja raha he

Magr!!

Døbara chah ker bhi mai

mohabbt ker nahi Paya..

[ Ab K December mai ]

Ab K December mai

mainey bhi kuch khwaab sajaye hai

Apni sard aankh0n mai ..

Per dar Lagta he

kahi yeh mere khwaab

PighaL na jayain
Dh0op parrne per..

[ December aan pahuncha he ]

Abhi hijr ka qayaam he aur December aan pahuncha he

Ye khabr shahr mei aam he December aan p0huncha he

Aangan mei utar aayi he manoos si khushbu

Yadon ka azdahaam he December aan pahuncha he

Khamoshiyon ka raaj he khizaan taak mein he

Udasi bhi bahot aam he December aan pahuncha he

Tere aanay ki ummid bhi ho chuki maadoom

Naye saal ka ahtamaam he December aan pahuncha he

Khunak rut mein udasi bhi chaukhat pe khadi he

Jaadday ki udaas shaam he December aan pahuncha he

Tum aao to mere mausamon ki bhi takmeel ho jaye

Nayi rut to sar e baam he December aan pahuncha he..

[ Ab tum nahi paas mere ]

Ab tum nahi paas mere to
Aesa Lagta he keh !!!

saans hi nahi,
bahaar0n mai rang hi nahi,
ph0oLon mai khushbu nahi. .


Ye sehmi sehmi si zindagi he

nah kahii'n is mai khushi,
nah sitaar0n mai r0shni rahi

aajao keh,

intzaar he meri saans0n ko,
in bahaar0n ko,
in ph0oLon ko mehenkne ka,
sitaar0n ko chamakne ka. .

Aajao keh,

yeh intzaar khatam kardo

meri dunyaa mai aaker

mujhe mukammal kerdo. .

[ Aey hawaa ]

Aye hawaa !!
sirf dilbar se itna kehna keh

humney tujhey soochne,aur kh0jney
aur paaney ki sab khuwaahish0n ko

udaasi ki deewar0n main chhun dia he. .

tujhey piyaar se dekhney wali bisaarat mehr0om kerdi hey humne. .

tujhey paaney ki aarzu ko fanaa ker dia he. .

teri deed ki machalti thi jo khuwaahish

usey humne Dil se parey ker dia he. .

kadam jo tere raastey se baraber bhi na hat'tey they

ab sanam teri raah0n per parrte nahi hain. .

tere sheher mai anaa jana raha
na teri yaad mai shab bitana raha

woh haqeeqat rahi na fasana raha

chaand. . jisko tera ista'ara samajhtey they hum

usko dekhe howe arsaa howa

Aey hawaa !!
sirf itna sa dilbar se kehna. .

[ nazar aa keh dhang se E!D ho ]

Aey Sitarah Shab-e-zindagi !!!

wohi shaam,

keher si shaam phir
tere naam hoto Ghazal kahain

w0hi shaam jis ki rag0'n main they

teri khwaab aankh0n k rattjagey

w0hi dho0p ki LaaLi,
tere Aarz0n peh khiLey to phir

rag-e-jaa'n se nazm kasheed h0
w0hi sa'at0n ka haj0um ho

w0hi rang h0, w0hi roshni
w0hi khushbu'0n ka haj0um ho. .

w0hi ik paL teri deed ka !

Jo miley to ashk damak uthain
jo bujhey hain daag chamak uthain. .

w0hi ik paL teri deed ka !

jo miley to dard ki 0at main
sabhi kehkahey se chhaLak padain

Sir-e-Looh Shaam-e-firaaQ phir
Gham-e-ishQ mauj-e-naweed h0

Aey Sitarah Shab-e-zindagi !!!

Idher aa keh jashn ho moatbar

nazar aa keh dhang se E!D ho. .

[ Pat'tharon Ki Basti ]

Kis basti mai aan basa h0n!
Jiske sarey log hain patther

raaste patther,
koochay patther,
ghar patther ke,
dar patther ke

jiski khatir main aaya tha !
Woh chehra bhi patther ka tha..

Jiski baatain patther ki thi,
jiska lehja patther ka tha

is basti ko chorr chala h0n,
har ik nisbat torr chala h0n..

Lekin !

Ik din phir aa0nga ..

Jis din main patther ban ja0nga ..

[ Na-Mumkin ]

Side table pe chaaye ka cuP..

Hath mei ISHQ pe likhi gayi ek dastaan ki kitaB..

Aur dil ye b chahay k chhat pe ja K

Raat ki tanhai,
Chand ki udasi,
Aur
lamhon ki be-basi kO

Apne andar utaar K

Khud ko ISHQ-E-LAHASIL mein qaid kr liya jaYe

Aur Esay mei kisi ki yad na aaYe

Na-mumkiN..

[ Suno! Main laut aaya h0n ]

Meri baatain,
Merey waaday,
Main apne saath laya h0n

Suno meri dharrkan mai
w0hi ik saÄz bajta he

Andaaz meri baat0n ka,
tera andaaz lagta he

khizaa'n k zard patt0n ko,
barf se Sard Mausam ko,
hijr ki Garm Äah0n ko,
tanhayi ki baah0n ko

Sun0 !
Mai ch0rr aaya h0n..

Abhi jo saakt baaki he
mera jo waqt baaki he

samaito mujhko baah0n mai,
mujhey chandd khushyan de daalo..

Mere sab gham samaito tum,
chandd Lamhey mujhko de daalo..

Main sab rishtay,
sabhi naatay,
sabhi bandhan,
sabhi dhaagay

sun0 !
Main torr aya h0n

Suno ! Main Laut aaya h0n..

[ Teri Yaad Ka Pinjra ]

Hum Teri YÄaD ke Pinjrey mai Qaid Panchi

Urrna chahA¡n bhi to,
yeh Soch ker urr nahi patey

Baher Tanhaayi ki Hawa hogi
Be'Rehem Waqt ki Fiza hogi

Kon dalay ga Tere Pyar ka Dana Humko !

Tujhse milny ka milega na Bahana humko

Din kahan guzrey ga
Uski to khabr hi nahi

Kesy guzry gi Raat?
Apna to koi Ghar bhi nahi

Bas ..

yehi Soch ker Khud ko smjhaatey hai akser

Teri Yaadon se hi Dil ko behlaty hai akser..

[ Meri s0ch ka Aik Lamha ]

Maine kab yeh s0cha tha !

Zindagi ki, Saans0n se badey faasley h0ngey .

tujhse milna chah0n to !

Aaj meri raah0n mai raaste khade h0ngey .


Maine kab yeh s0cha tha !

Tere saaye se baaher dh0op mai jalan h0gi

Rait mai chubhan h0gi,
Dard bhi karrey h0ngey .


Maine kab yeh s0cha tha !

Mere chahne wale d0or bas rahey h0ngey ..


Aur main fakat apne haath ki lakeer0n ko be'karaar aankh0n se y0nhi tak raha h0nga ..

Mere chahne wale mujhpe hans rahey h0nge .


Maine kab yeh s0cha tha !

Zindagi k dh0key mai umar jab bitaa d0nga,
khud ko jab mita d0nga ,

hijr yeh sadaa dega,

bebasi ki saans0n mai
zindagi nahi rehti .

Waqt k samundar se laakh khwaahishain chunLo,

bebasi ki mutthi mai rait bhi nahi rehti .

Aaj maine s0cha he ..
Aaj maine jaana he ..

[ ph0oL Se Mukhtalif Lerki ]

Yeh Lerki to ph0ol se mukhtalif he

Aadhi mohabbat mere saamney,
Aur
Aadhi mohabbat mujhse chhup ker kerti he

Aadhi raat ko Aadhey Chaand se
Baatain kerti rehti he

Woh batain jo mujhse kerte
Uskey Hont Aur uski Saansain
Ruk jaati hain

Uski Palkain Jhuk jati hain

Aadhi Raat ko Takiye K neeche
Rakhi meri tasveer ko dekhti rehti he

Phir Khud se sharma ker

Takiye mai m0nh chhupa ker

Dair tak Hansti hey . .

[ Zindagi ]

Tum MujhY Zindagi KehtY hO

MujhY Yaqeen hY ..

Magar ,

Meri eK Khwaahish hY Keh

Us Zindagi K Baad ,
MujhY iK aur Zindagi MilY ..

taa'KeY ,

mein DaiKh SaaKOn ,

Keh Tum..

Meri Zindagi sY,
Kisi aur Zindagi TaK Ka Faasla

KitnY ArseY mein tY KertY hO..

[ Meri Mout ]

Mein sochta h0n

k jis din Mout k saaye mere ird gird mandlayen ge

Mere dost, aziz, sathi sab mere pass jama ho jayenge

SunoGey jab tum mere marne ki khabar

UrRenge hosh tere aur pair larrkhadayenge

Mujhe yaqeen he aakhri baar dekhny k liye tere qadam tujhe mere ghar khench layenge

Mere sarhane logo ka rush hoga

Unka rona dar-o-dewar ko hilayenge

Mere khulus ki jab dastan aam hogi

Ye tazkaray tere ehsas ko jalayenge

Tujhe wo wada reh reh k yaad aaye ga

K sath jiyenge sath mar jayenge

Wo din bhi tere zehen pey dastak dega

kabhi na halat k aage sir jhukayenge

Meri yaadein tujhey torr dengi

par aansu teri Aankhon se nikal na payege

Aur jab chal k aaoge meri laash k pass

Aur tujhey mere aziz mera chehra dikhayenge

Bejan jism ko dekh k kya sehlaa0ge tum?


Socho .. !

Kya mere bin Ji paa0ge tum?

[ Faramosh Piyaar ]

Mujhy Yaad he

pichlay saal enhi dino'n mai

main ne tumhain apney ander

Satvie'n(7) bar Qatl ker ke wahie'n kahe'n
kisi viraney me Dafan kr dia tha..

aur Tumhari Qaber
Framoshi ke bhaari patharo'n se bhar di thi..


Aur oss se bhi pehley aik bar..

Door draz se aney waley kisi
Deo-haikal prindey ke pairo'n se
Tujhay baandh ke usey urra dia tha..


Aur pir uss se bhi pehlay bilkul enhi dino'n mei..

Main ne tujhey mukamal tor per Jala ke
Tumari Rakh aik Tez raftar Daryya me baha di thi..

Lekan is sari Jaa'n-kaahi ke bawajood..

Tum aaj phir..

Hamesha ki tarha ..

Meri Aankho'n mei Aankhe'n daley..

Aur mery Dil ko apni muthi me jakrey,
meray samney kharey ho...

[ Intizaar ]

Yaad he !!!
tum aur mein
pahadi wale shaher ki
lambi ghumaaodar sadak par

bina kuchh bole
haato me haat daale

bematlab beparwah meelo chala karte the

khambo ko gina karte the. .

aur jab mein chalte chalte thak jata tha
tum kehti thi bas us agle khambe tak aur..


aaj mein akela hi us sadak pe nikal aaya h0n

khambe mujhe ajeeb nigah se dekh rahe hain

mujhse tumhara pata poochh rahe hain

me thak kar choor choor ho gaya hoon

lekin wapas nahi lotna he,

himmat karke agle khambe tak pahuchna he


sochta h0n. .

Tumhe taiz chalne ki aadat thi. .

shayad. . .

Agle khambe pe pohunch kar
tum mera INTEZAAR kar rahi ho..

[ Tum pasandidah kitab ho ]

Aksar sochti rahi !!!

Main tumhari sabse zyada
Pasandida kitab ki tarah hoon

Jo neend mein bhi
Tumhare seene mein khul kar rehti he

Tum mujhe parrhte ho

Harf-Harf samajhte ho
Sparsh karte ho

Main aur bhi gehrey utar jati hoon

Tumhare ghar ke
Kone kone mein dikh jati hoon

Wahin-Wahin jahan jahan
Tum mujhe dh0ndte rahe

phir achanak Q !!!

Seene mein rakhi kitab ko
DheroN kitab ke beech rakh diya

Ek baar bhi nahi chaaha

kitab par jami dhool ko
hata dooN . .

usey usi jagah rakh dooN. .

Thora parh looN. .

Aur keh dooN

Tum hi meri pasandidah kitab ho . .

[ Haathon main Gajraa Thaame ]

Aaj woh Khhat Bhaijney K bajaye
Khud Chali Aayi

Usney Haathon main ik Gajraa Thama howa tha
Kaliyoun se bana howa

Usney Ziada Baatain nahi ki,

Kehney lagi !!!

Main Apni neendoun k Qatal k jurm main
tumhain Giriftaar kerne aayi h0n

Qaid Khana-e-Dil mai Qaid kerney aayi h0n

Thoda Izhaar Kerne Aayi H0n. .

Is sey pehley k main kuch kehta Usey


Usney Woh Gajra Meri Kalaaayi main pehna dia

Aur. .
Chal Di !!!

[ Tumhara Kuch Bhi Mera Nahi ]

Tumhari Zulfain
Tumhari Palkain
Tumhari Aankhain
Tumhara Chehra
Tumhare Shaaney
Suraahi Daar Gardan

Kalaayio'n Me Khanakte Kangan

Hinaayi Haatho'n Mai Unglio'n Ki Haseen Puurai'n
K Jin Me Sandal Mehak Rahi Hy

Ye Naram Saanso'n Ki Gungunahat

Qadam Uthao Tou Dharkane'n Sath Chorti Hyn

Badan Ka Har Zawiya Qayamat

Nahi Tumhari Misaal Jana'n

Kamal Ho Tum Kamal Jana'n

Tumhara Sb Kuch Haseen Hai, Lajawab Hy Par

Mera Nahi Hy

Tumhara Kuch Bhi Mera Nahi He..

[ Mujhey Khwaab Se Tabeer Ker Dalo ]

Kayi barson se jis pal ko
main dil ki jheel ki teh mai
sula k bhool bethi thi

wahi pal jaag utha to, kanwal ban ker chamak utha

main chonk uthi ke yeh kis tarha se hogya yakdam!

woh pal jaga to jese khoon ki saari hi shiryaanain
kisi ne khainch ker rakh dii'n . .

Laga pani ka rastaa bhool ker machli ne Goya Chhun liya sehraa. .

bagawat ka irada ker liya Saanson ke toofaan ne. .

Yeh Dharrkan gunguna uthi,

Laga pairon se ker sar talak shoaley bharrak uthey. .

Lahoo ki saari boondon ney Sulagney ki Qasam khaali. .

Pighalta hi gaya Jazboon ka soona moom ki tarha

un Aankhoun main Mohabbat ke hazaaron Deep jal uthey

Meri chundhiyaa gayi palkain. .

thaka maanda nazer aaya Falak ka chaand aakhir kaar

Sitaarey parr gaye maddham. .


Suno !!!
Meri ik baat Maanogey ???

Tum Apni Saari Chahat Ko Meri Jageer Ker Daalo

Wafa H0n main, Mujhey Pairoon Ki Tum Zanjeer Ker Daalo

MUJHEY AB KHWAAB SE TAABEER KER DAALO . .

[ Itne barson baad ]

Aadhi raat ke san'nate mein
kis ne phone kiya he mujhko !!!


phone utha ke ye lagta he
os janib koi gum sum ukhra ukhra
ahesta ahesta kanp raha he . .

Mehki hoyi si aik khamoshi he . .


lekin Us khamoshi mein bhi goonj rahi hein

thandi sansen,
barish,anso,

khamoshi se thak kar Us ne
saans liya to churri khanki. .

uff ye khann khann ,
sare badan mein phail gayi he. .

tere elawa koi nahen he
lekin itne barson baad?

[ Patjharr Main ]

jab jab patjharr mein
paiRRon se peele peele pat'te

mere lawn mein aa kar girte hein,


raat ko chatt par jaa kar main
akash ko takta rehta hon . .


lagta he !!!

kamzor sa peela chand bhi shayad

peepal ke sokhe pat'te sa
lehrata lehrata

mere lawn mein aa kar utreyga . .

[ Hamare pass kia he ? ]

Hamare pass kia he
Siwaaye ratjagon ke !

Jo tumhari chah ke roshan diyon ke sung
Humne bitaaye hain . .

Batao aey tabeb-e-jaa'n
Fakat y0n hi ganwaaye hain??

Nahi maloom woh lamhey

Ke jab sari khudayi
Khob gehri neend soyi he

Mager Q ker humari aankh
Unn lamhon mein royi he !


Suno mere maseeha!!!

Meri aankh ka rona
Mere dil ka tumhari chah mein khona
Mere humrah tumhari yaad ka hona


Humare pass to ab ye khazane hain
Afsurda zindagi mein
rang bherne ke bahane hain. .

[ Alwida keh do ]

Ab wakt-e-judayi hey mujhey ab alwida keh do
Ab phir wo tanhayi hey mujhey ab alwaida keh do

Main lakh bura thehra hon yaron ki nazar main
Dil ro to raha hey magar ab alwida keh do

Merey AANSOO to merey hain meri khushian tumhari hain
Mobarak tum ko yeh khushian mujhay ab alwida keh do

Merey janey pey na rona mujhey tum yaad na karna
Main tanha tha main tanha houn mujhey ab alwida keh do

Mujhey afsoos to hoga youn sab sey door janey ka
Meri yadoon main tum sab ho mujhey ab alwida keh do

Kisi key dard ki wajah kisi key dukh ka main sabab
Bano ga ab kabhi na main mujhey ab alwida keh do

Mujhey choora tha apno ney mujhey apnaya tab tuney
Tera ahsaan mand houn main mujhey ab alwida keh do

Meray AANSOO nahi ruktey mujhey ab dard hota hey
Na mera dard barhney do mujhey ab alwida keh do

Mujhey jo piyar kartey they mujhey jo apna kehtey they
Wohi ab door hum sey hain mujhey ab alwida keh do

Mujhey kaafley ki talab na thi mujhey manzilo ki chah na thi
Mera dard mera tha humsafer mera dard meri hayaat thi

Mujhey tuney chalna sikha dia mujhey manzilo ka pata dia
Main naa chal sakon ga terey sath ab mujhey alwida keh do ..

[ AdhuRaa PiyAar ]

Chalo tum Saath mat Daina . .

Mujhy Beshak Bhula daina

Naye Sapny Saja lena
Naye Rishtey bana lena

Bhula Daina Sabhii Waady
Sabhi Qasmeen,
Sabhi Naaty

Tumhen jaanan Ijazat hai
Jo Dil Chahey Wo sab karna

Magar . .

Ab tum kisi se Bhi . .

Adhora Piyaar Mat Karna . .

[ Neend ]

Na abr he na hawa,
Neend Q nahi aati !

Baras chuki he ghatta,
neend Q nahi aati !

Naye naye they judai k din to baat bhi thi

Woh daur beet chuka,
Neend Q nahi aati !

Bichar hi jatey hain duniya mei chahney waley

Chalo huwa so huwa,
Neend Q nahi aati !

Ye izteraab kahan tak jagaye ga mujhko

k chaand doob chuka,
Neend Q nahi aati !

Yeh ratt'jagey dil-e-betaab maar daalain gey

Kiya ilaaj he kya ?
Neend Q nahi aati !

[ w0h Kehti Thi ]

Jaayain jaa kar shirt utarain
dosri pehnain

yeh tu match nahi karti hey

jaayain jaa kar tie lagayain
purple tie

shoe tu maine raat hi polish kar dalay the

phir yeh aap ne kyun pehne hain

dekhiye sox bhi thik nahi hain

phir jab mai yeh sab kuch kar k chalne lagta hon

us k honton par bosa karta ..
aur usey bahoon mai bharta

masnoee ghabrahat 0rrh k sar goshi mai mujh se kehti

thehriye thehriye

yeh khusbooo

thorra sa perfume to lagalain ..

maana aap saada hain

lekin jaana!!!!

office janay se pehle to
apne baal banaya kijiye . . .


AUR AB !!!

meli shirt aur udhre kaaj
melay kular button khule hain

tie nahi hai shave bharrhi hai
baal uljhay hain

ankhain neend se bojhal hain aur
jotay par bhi gird jammi hey

is huliye mai ghar se nilkla to yaad aaya

w0h Kehti Thi . . .
w0h Kehti Thi . . .

[ Pagal Lerki ]

Pehley merey khat key usney
Ik anjaney khoof key dar sey
tukdey tukdey ker daaley

AB

Aik haseen Ehsaas ki tarah
Jiska koi naam nahin hey
Pichley kitney hi Ghantoo sey
Derwazey ki oot main chup ker
Tukdey joorr rahi hey
.... Pagal ....

[ Anguthiyaan ]

Mainey yeh kaam apni khushi sey kia,
ya kisi majburi k tehet !

Maloom nahi ..

Lekin!

Yeh howa hey,

K mainey,
apni tanhaaiyoun ki ungliy0un se

Tumhari yaadoun ki Anguthiyaan,
utaar Phenki hain ..

[ Sab Kuch Lauta do ]

Aaj woh muddat baad aayi,
bus yeh kehney ..

janaa'n !

Mere saarey khatt lauta do,
sab tasveerain, kalam kitaabain
Wapis kerdo saarey tohfay ..

Mujhsey sab kuch maangney wali,

jaatey jaatey ,

mere kamrey ki chokhatt per

chorr gayi hey ..
"Apney Aap " ..

[ Nanhi maas0m lerrki0n ]

Aey Nanhi Maas0m lerrki0n ..... Tum !
Kabhi kisi sey bhi dukh na kehna ..

In Aanchalon se,
Khanakti rangeen chorri0n se,
Badan ki apni hi khushbu'oun se,
palak ke utthney palak jhapakney ki sa'at0n se

Chhat0n ke koono'n main chhup k bethi
woh shookh-0-shang aur naaz perwari Chaandni se

Diy0n ki loo se ..

Yaa,
Un kutub se keh jin main phoolon k,
titlioun ke hasee'n dukh hon

palang per silvat0'n bhari saaf chaadaroun se,
Gudaaz taki0un se jon mian zulfoon ki khushboyain rakhs ker rahi h0n ..

tum Aayinon aur jugnuon se
sahelioun aur dostoun se,

Kabhi bhi maas0m lerrki0n tum .. !

Woh Dukh na Kehna ..

[ Dekhain Jaanu ]

Dekhain Jaanu aap is baar
jaldi jaldi khatt likhiyega

WArna........... Warna ............!
Warna main kya ker sakti h0n !

Roo loungi bus ..



Ab se kitney mausam peechey
main uskey khatt pey roya tha,

Shayad pura hafta meri Aankhoun main laali rachi rahi thi ..

Aur ab itney arsey baad
Aaj puraaney dard khangaaley

pichley kitney ghant0n se
apni is naadaani per main

Reh Reh ker hans parrta h0n ..


Lekin ! Dour kahi aankh0n main
anjaana sa aansu ab bhi
Uthta he, aur dab jata he ,
Chhup jata hey ..


Jese kitney mausam peechey ,
Shaayad pura hafta Meri Aankh main laali rachi rahi thi ..

[ Ek sAcH ]

Tumney mujhey mohabbat di

itni key
Shayed !
main haQdaar bhi na thi ..


Is mohabbat ke saath hi merey dil main,
ik darr tha !

Tumhari Judaayi ki ..


Dekh Lo Jaana'n ..
Aaj mera yeh darr sach saabit howa hey ..

[ r0g ]

Saath chalney waley jab
saath chorr jatey hain

waqt tham nahi jata
koi mar nahi jata

raston ko chalna hey
rastey to chalte hain

yaar dost milte hain
zakhm aesey silte hain

gard gard lamhon main
umar kat hi jati he

kuch musaafiroun ko bus
manzilain nahi milti

Na-jaaney Q !
bichherr jatey hain LoG ?

Jinki yaadain ban jati hain,
umer bher ka RoG ..

[ Aaj ka din bhi udaas guzra ]

Judayi ki kasak liye..
teri yaad se jurra Aansu,

her shab ki aankh se tapka he..

Guzre kal ki tarha aaj ka din bhi..
Tum Bin..
Udaas Guzra he ..

[ Kitaab-e-mazi ]

Bohat Hi Muddat K Baad Kal Jab

Kitab-E-Mazi Ko Mainey Khola


Bohat Se Chehray Nazar May Utray
Bohat Se Naamo Per Dil Pasija


Aik Aesa Safha Bhi Usmain Aya
Likha Howa Tha Jo Ansoun Se


Jis Ka Unwan ,
HAMSAFAR Tha ..



Kuch Aur Anso Us Per Tapkay
Phir Us Se Agay Main Parh Na Saka


Kiitab-E-Mazi Ko Band Kar K
UsKi Yadoon May Kho Gaya Main


Agar Woh Milti To Kaisa Hota
In Hi Khayalon May So Gaya Main ..

[ Mere hoker Nahi dete ]

Jitni Duayain aati thii'N ,
Sab Maang lii humney ..


Jitney Wazeefay yaad they ,
Saarey ker bethay hain ..


Kayi tarha sey Jii dekha hey ,
Kayi tarha sey Mar bethay hain


Lekin Jaana'n !


Kisi bhi Surat ..
Tum Mere hoker Nahi Detey . .

[ iK Anjaani Si TasvEer ]

[ writer AL¡ RazÄ ]




Kayi ghant0n tak, Tanha bethey rehne per s0cha


Q na !


Puraani Tasveerain dekh k waqt Guzaar Loun !


ik ph0to album utha k
yaad-e-maazi mai

Gum sum safhay palat'ta jaa rha tha


keh,


Meri nazar,
album k beech chhupi h0wi


ik jaane pehchane shakhs
( jo ab anjaan ban chuka he mere lye )
ki tasveer pe padi


jise dekhtey hi,


Mai apne zehen pe gard jami purani yaad0n mai laut aaya..

Us shakhs ki tasveer ko haath mai uthaye


apne r0om ki khirrki pe betha,
Äadhey tanha chaand ko takta raha


toh. . yaad aaya keh !


saath jeeney,
saath marney ki kasmain khaayi thi humne


Aur aaj W0h mujhse d0ur
kis haal mai h0ga !
Kesa h0ga !
Kya karta h0ga !


Kis tarha jeeta h0ga w0h mere bagair !



Bus..


apney bichherney ka daur yaad kya,


Halaat se majb0ur h0kar hum,
ik dujey se kis tarha juda h0we thay !




Inhi s0ch0n k saath

Uski Tasveer ko ch0omta,
seeney se lagata, Aur roo parrta ..


Uski yaad mai chalakti aankh0n ko band kar k


Usay s0chta raha,


keh . .Agar w0h aaj mere saath h0ti
to Har ik khushi bhi apne saath h0ti


JANAA ko apney be'bas khayaal0n mai lye


Unhi yad0n k saath,


akela Tanha


kamrey k Udaas k0ney mai


sisak kar ,
s0gaya..